故事模式不容忽视《For Honor》三族泯恩仇

故事模式不容忽视《For Honor》三族泯恩仇

最初喺E3 2015公在嘅《For Honor》可以讲得上係令笔者眼前一亮,将三个现实世界完全唔相干嘅战斗「民族」放埋一齐而且睇落仲好似「无双」方式咁进行大规模战争,再加上画面劲细緻,当时绝对係Ubisoft摊位入面笔者最期待嘅一只。等了又等,到咗2017年2月佢终于都面世,畀笔者第一个感觉係——点解画面仲靓咗?

经过有关方面多次透露唔同资料,当然就知道《For Honor》主要玩法根本同无双类完全唔同。其实游戏会主打PvP网上连线战斗玩法,玩家可以透过游戏唔同模式赚「钱」同解锁唔同物品,以购买唔同角色同升级佢哋嘅装备,咁玩家就可以製作出一位更贴近个人风格同拥有合自已心意能力嘅战士连线对战。不过其实《For Honor》嘅故事模式亦非常精彩,大家除咗可以一边玩一边了解三个「民族」之间嘅矛盾,亦可顺手操练游戏中唔同职业嘅战斗技巧,更重要当然係前面所提到解锁不同物品和赚钱去升级的网络对战用嘅角色。

预计战斗方式  掌握到可一面倒

游戏中主要战斗模式採用方向档格同攻击,玩家先不断向上、左或右三个方向摆出档格姿势(对于亦会),由于攻击方向亦跟随档格方向,所以喺防守嘅同时又要睇住攻击嘅时机,其实都几烦。战斗系统同时提供破解攻击同破解防御嘅方法,加上唔同职业有唔同速度甚至部份有独有嘅攻防效果,变化其实都几大,一时三刻真係唔係咁易适应。不过只要练到可以完全捕捉到反击嘅时机,就可以轻易令到场面变得完全一面倒,但呢样嘢几讲个人反应,未必个个练得到。

PvP战斗即斗慢出招?

照上面咁讲,要上网同劲人PvP咪好易死?咁玩咩game要同劲人对斗都係鱼腩部队架啦。不过无可否认,如果大家都係咁上下高Level,只会变成大家斗等对方出招先反击嘅胶着状态,建议大家可以操多两个唔同角色,好好利用唔同角色嘅特点,会觉得更加好玩。

故事玩法多样化

个网上对战真係未必啱所有人,不过《For Honor》嘅故事又係非常值得大家一玩。除咗可以试用晒所有唔同职业角色同埋了解三个民族之间嘅恩仇,故事模式入面仲会有好多额外嘅玩法,例如保护战车、骑马追杀敌人等,加上中间亦会穿插好多大场面,绝对可以令你打完一关又一关停唔到手。

故事模式不容忽视《For Honor》三族泯恩仇

◆ 游戏入面赢得物品同钱都可以拎嚟升级武器、装甲同外观。

故事模式不容忽视《For Honor》三族泯恩仇

◆ 除咗直接斩杀,游戏仲有啲工具可以好好利用。

故事模式不容忽视《For Honor》三族泯恩仇

◆ 故事模式仲有好多嘢玩。

故事模式不容忽视《For Honor》三族泯恩仇

◆ 场面精细浩翰。

故事模式不容忽视《For Honor》三族泯恩仇

◆ 好多角色等你「购买」。

故事模式不容忽视《For Honor》三族泯恩仇

◆ 多人络线游戏。

总结

《For Honor》拥有极高质素嘅画面呢下真係不容置疑,不论係细緻度定係其他光影效果都真到你唔信。战斗系统易学难精,大家不妨多啲操一下,至少玩故事模式电脑都任你屠宰啦。

推荐阅读